Nanawagan si Ivana Alawi sa publiko nga indi dapat pagkalipatan ang flood control scandal samtang naghatag siya sang bulig sa mga Pilipino nga apektado sang pagbaha.
Ginshare sang actress sa iya social media ang iya pagrepack sang mga relief goods nga iya ipanghatag sa mga komunidad nga apektado sang baha.
Santo sa caption ni Ivana, ginpahayag sini nga busy siya sa pagrepack sang relief goods kag ginkamusta ang flood control kag ang bilyon bilyon nga pondo.
Nanawagan man ini nga indi tugutan nga matabunan sang iban nga isyu ang mga importante nga isyu sa publiko nga suno sa iya, dapat may matabo kag dapat may solusyon.
Samtang, kadungan sa pagdayaw sa actress-vlogger, liwat nga ginmensyonar sang pila ka mga netizens ang iya kontrobersyal nga phone giveaway nga konektado sa online gambling advertisement.
Liwat nga nagtuhaw ang iysu matapos ginpa-untat sang Philippine Amusement and Gaming Corporation (PAGCOR) ang nasambit nga promotion kag gindagdagan sang multa ang online gambling company nga involved sini.
Suno kay PAGCOR Chairman Alejandro Tengco, ginlakip ang nasambit nga giveaway sa hearing sang House of Representatives Committee on Appropriations tuhoy sa budget sang PAGCOR para sa 2027.
Gintalakay man ang pagdamo sang mga content creator kag influencer nga nagapromote sang online gambling.
Sa karun, wala pa sang pahayag si Ivana nahanungod sa isyu.
