Nagmando na ang Sandiganbayan para sa pag-release kay anay Department of Public Works and Highways (DPWH) Secretary Manuel Bonoan.
Kasunod ini sang pagbasura sa mga kaso batok sa anay tiglikom.
Sa nasambit nga order nga pirmado sang Sandiganbayan Fifth Division, ginmanduan ang Philippine National Police (PNP) General Hospital nga pagwaon na si Bonoan.
Una na nga gin-request sang Office of the Ombdusman sa Sandiganbayan nga kakason si Bonoan bilang co-accused ni Senator Jinggoy Estrada kag pila ka mga opisyal bangud sa anomaliya sa flood control projects.
Plano sang Ombudsman nga himuon si Bonoan nga state witness sa nasambit nga anomaliya.
Madumduman nga naka-hospital arrest ang anay tiglikom humalin pa sang Hunyo bangud sa balatian sini partikular ang chronic kidney disease kag prostate cancer.
Ginpahayag naman ni PNP Public Information Office chief Pcol. Allen Rae Co, nga posible makagwa na si Bonoan sa Biyernes sang aga, Setyembre 4.
