Power consumers, makakinot sang kapin P20 sa pagkakas sang VAT sa allowable system loss charges sa electric bills

Ginalantaw nga makakinot sang P20 ang mga kunsumidor sa ila balayran sa kuryente kasunod sang pagkakas sang Bureau of Internal Revenue (BIR) sang value-added tax (VAT) sa allowable system loss charges nga ginapatuman sang power utilities.

Suno kay Energy Secretary Sharon Garin, gina-abi-abi sang Department of Energy (DOE) ang tikang sang BIR.

Sa idalom sang Revenue Memorandum Circular 097-2026, ginpahayag sang BIR nga indi na pag-i-subject sa 12 percent nga VAT ang system loss charges sa cap nga aprubado sang Energy Regulatory Commission (ERC), bangud kabigon sila nga government-mandated pass-through costs.