Arestado ang apat ka street level individual sa sunod-sunod nga mga drug buybust operation sa ciudad sang Bacolod.
Narecover ang 14.9 grams sang shabu nga may standard drug price nga P101,320 gikan sa ttalo ka operasyon.
Ang una nga anti-illegal drug sting ang ginpatigayon sang Bacolod Police Station 5 alas-11:00 sang gab-i sang Setyembre 19, sa Brgy Vista Alegre.
Kun sa diin nadakpan ang subject person nga si Alyas Ralph, 31 anyos, pintor, kag residente sa lugar.
Alas-12:44 sang kaagahon sang Setyembre 20, naaresto naman sang Bacolod Police Station 10 si Alias Chok, 25 anyos, single, wala sang trabaho, residente sang nasambit nga lugar.
Samtang duha naman ang naaresto sang Bacolod Police Station 9 sa Brgy Sum-ag, Bacolod City ala-1:19 kahapon sang kaagahon.
Naaresto sanday Alyas Rey, 32 anyos, single, wala sang trabaho, residente sang Brgy Taloc, Bago City, kag alyas Jay Ivert, 30 anyos, single, wala sang trabaho, residente sang Brgy Sum-ag, Bacolod City.
Ang mga subject ang lunsay wala sa listahan sang Barangay Anti-Drug Abuse Council (BADAC).
Sila ang nagapangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
