Ginsuspende ni President Ferdinand Marcos Jr. ang excise tax sa liquefied petroleum gas (LPG) kag kerosene matapos nagsaka sa 99.41 US dollars kada bariles ang average nga presyo sang Dubai crude oil.
Sa idalom sang Executive Order No. 125, temporaryo nga gin-suspend ang excise tax sang LPG, magluwas kun ginagamit bilang raw materials sa paghimo sang petrochemical products.
Kalakip man sa suspensyon ang kerosene, magluwas kun ginagamit bilang aviation fuel.
Ang tikang ang ginrekomenda sang Development Budget Coordination Committee (DBCC) matapos i-certify sang Department of Energy (DOE) ang average nga presyo sa kada bariles sang Dubai crude oil base sa Mean of Platts Singapore (MOPS) sa nakaligad nga 30 ka adlaw.
Liwat nga pagatun-an sang DBCC kag DOE ang suspensyon pagkatapos sang 15 ka adlaw kag kada bulan pagkatapos sini.
Mahimo i-rekomenda kay Pres. Marcos ang pagpadayon, pagpalawig, ukon pagtapos sang suspension.
Ginhatagan man sang direktiba ang DOE kag Department of Finance nga i-inventory ang mga nakatipon nga LPG kag kerosene antes mangin epektibo ang suspensyon.
