Nagapabilin sa ospital sa ciudad sang Bacolod ang menor de edad matapos nga matapos ginlampusan sang bato kag ginhimuslan sa Bago City sang Hwebes, Oktubre 1.
Sa interview sang Bombo Radyo Bacolod kay Police Captain Bonifacio Galvez Jr., Deputy Chief of Police sang Bago City Police Station, natabo ang krimen mga ala 1:00 ang takna sang kaagahon sa nasambit nga adlaw.
Suno kay Galvez, antes ginhimo sang suspek ang krimen nag-inum-inum ini sang makahulubog nga ilimnon sang Setyembre 30.
Suno diri, temprano pa nakatapos sa drinking session ang suspek kag nagpauli ini kag nag-inum pa dugang.
Mga ala 1:00 ang takna sa kaagahon nagpadulong ini sa balay sang biktima mga 500 metros ang kalayuon gikan sa puluy-an sini.
Ginguba niya ang plywood nga pwertahan sang balay sang biktima kag ginbuksan ang lock.
Nagsulod ini sa balay kag nagdiretso sa kwarto sang menor de edad.
Nagpakuno-kuno ini nga half brother sang biktima gani wala na ini nakasinggit.
Ang balay ang may tatlo ka kwarto kun sa diin separado ang ginatulugan sang biktima, sang iloy sini kag sang iya nga utod nga lalaki.
Ginhakwat sang suspek ang menor de edad kag gindala sa katubuhan.
Nakalabay sila sa bahin nga may solar light gani nakita sang biktima ang itsura sang suspek kag nakumpirmar nga indi niya ini half brother.
Bangud sini, nagpalak-palak ang biktima rason nga ginlampusan ini sang suspek sang bato sa agtang kag ginhimuslan ang bata.
Matapos ang krimen nakapalagyo pa ang biktima kag nakapanugid sang natabo diri.
Gin-report ini gilayon sa mga kapulisan kag nagpatigayon sang hot pursuit operation.
Mga alas 11:00 ang takna sang aga sang Oktubre 1 nadakpan ang suspek sa pareho nga Barangay apang sa lain nga Purok.
Wala man ini nagbato sa mga police kag napasakaan na ini sang kaso paagi sa inquest proceedings.
Nakahunong na ini sa Bago City Police Station kag nagapangatubang sang kaso nga rape in relation to
Republic Act No. 7610 ukon Special Protection of Children Against Abuse, Exploitation and Discrimination Act,
