Inflation rate sa bulan sang Setyembre, nagsaka sa 7.2 percent

Nagsaka sa 7.2 percent ang inflation rate sa pungsod sang bulan sang Setyembre 2026.

Ini ang pinakamataas nga lebel sang inflation sa nagligad nga apat ka bulan.

Sa data sang Philippine Statistics Authority subong nga Martes, Oktubre 6, nagsaka ang inflation sa subong kumpara sa Agosto nga yara sa 6.1 percent lang.

Suno man sa ahensya, ang pagsaka sang inflation ang bangud sa nagataas nga bili sang pagkaon kag non-alcoholic beverages.

Nalakip man diri ang pagtaas sang housing, tubig, kuryente, gas kag iban pa nga balaklon, kag amo man ang transport costs.