Sa pihak sang pagpabor sa reporma sang Commission on Elections (COMELEC) sa Partylist Group, may-ara man sang mga pagpangduhaduha ang National Citizens’ Movement for Free Elections (NAMFREL).
Sa interview sang Bombo Radyo Bacolod kay NAMFREL Secretary General Eric Jude Alvia, may mga grupo nga may-ara sang matuod-tuod nga plataporma, apang nalakip sa 50 nga ginpalos sa listahan bangod wala nakasulod sa 2 percent treshold./ Suno diri, kwarta ang nagapadalagan sa karun sang eleksyon.
Gani ang mga grupo nga wala sang resources ang nagakabilin, samtang ang masami makasulod amo ang may financially backing.
Suno diri, ang kaangay nga COMELEC system ang dapat ma-address sa pagreporma sang Partylist system.
Ginapakamaayo nila ang tikang sa karun sang COMELEC, apang para sa NAMFREL, ini ang kulang gihapon.
Panawagan nila nga suportahan sang gobyerno ang mga grupo nga may lehitimo nga adbokasiya apang wala sang pinansyal nga ikasarang.
Dapat man madula ang paggamit sang mga partylist name basi sa isa ka pelikular, ayuda sang gobyerno, kag kilala nga brand sang produkto, kasunong man ang estratehiya sa pagbutang sang numerical figure kag letter A sa umpisa sang pangalan sang partylist group agud mauna sa listahan kag makuha ang boto sang mga botante nga natamad na magpangita bangod sa tuman ka damo nga pililian.
