Patay ang duha ka indibidwal nga nagasakay sa habal-habal kasunod sang aksidente nga imbulbado ang duha ka dump trucks sa Barangay Sta. Cruz Nuevo, City of Tanjay, Negros Oriental, Biyernes sang hapon, Oktubre 30.
Sa inisyal nga impormasyon nga ginpakigbahin ni Tanjay City Vice Mayor Reynil Cata-al Arcide, ang orange URAL Russian dump truck ang gin-report nga nadulaan sang preno rason nga nagbunggo ini sa puti nga dump truck sakay ang tatlo tubtob apat ka mga manunudlo sang Department of Education (DepEd).
Bangud sa impact nabungguan man sang URAL truck ang habal-habal motorcyclesakay ang driver kag pasahero.
Sa inisyal nga report ang duha ka sakay sang habal-habal ang naipit rason nga napatay ang mga ini.
Samtang ang mga manununudlo ang sakay sa puti nga dump truck ang nakaagom sang seryoso nga nasamaran kalakip na ang posible nga bone fractures.
Apang ginahulat pa sang mga otoridad ang medical bulletin sang mga ini.
Nagapadayon sa karun ang imbestigasyon sa insidente.
