Ginalantaw nga magasaka sang halos 18 percent ang presyo sang bugas sa bilog nga kalibutan sa masunod nga tuig bangud sang El Niño.
Suno sa isa ka research unit, magasaka ang presyo sang bugas sa una nga quarter sang 2027 bangud sang pamahog sang El Niño sa planting cycles sa bilog nga Asya kun sa diin nakabase ang pila ka dalagko nga rice producers kag exporters sa kalibutan.
Kalakip sa mga pungsod nga ginakabalak-an nga may manubo nga pag-ulan kag mas mataas nga temperatura amo ang India kag Thailand nga duha sa mga dalagko nga supplier sa international rice market.
Sa bahin sang Pilipinas, una na nga nagpa-andam ang Department of Agriculture nga mapanubo sang El Niño ang rice production sang 700,000 metric tons tubtob 1 million metric tons, nga posible makaresulta sa P20 billion nga kapyerdehan.
