Malipayon nga ginpakigbahin sang Department of Tourism (DOT) nga may yara sang maayo nga income ang mga negosyante nga kaupod sa hub sang micro, small and medium enterprises (MSME) sa ASEAN International Media Center (IMC) sa World Trade Center sa Pasay City.
Ginabanta sang DOT nga halin sang nagpatigayon sang soft-opening ang nasambit nga hub sang Nobyembre 11 ang nakatipon sang income nga nagdangat sa masobra P900,000.
Ang “Philippine Experience” ang gin-organisar sang DOT kaupod ang Presidential Communications Office (PCO) kun sa diin makita ang produkto nga ginapabugal sang Pilipinas.
May yara sang mga kiosk kun sa diin matilawan ang mga ginapadayaw nga pagkaon nagikan sa Luzon, Visayas kag Mindanao.
Suno kay Tourism Secretary Dita Angara-Mathay nga ang hosting sang Pilipinas sang ASEAN ang nagahatag sang tion agud mapakilala sang Pilipinas ang produkto sini sa bug-os nga kalibutan.
Kaangay lamang sa bilin ni President Ferdinand Marcos Jr nga sa pag-host sang Pilipinas sang ASEAN ang dapat nga panginpuslan ang ini nga kahigayunan agud nga mapakilala ang ginapabugal nga produkto sang pungsod.











