Victorias City Police Station, may bag-o na nga officer-in-charge matapos ginserbihan sang arrest warrant ang anay OIC
-- ADVERTISEMENT --

May gindesignar na nga bag-o nga officer-in-charge sa Victorias City Police Station matapos nga ginserbihan sang warrant of arrest si Police Major Erneste Etorne Jr. kahapon.

Sa interview sang Bombo Radyo Bacolod kay Negros Occidental Police Provincial Office (NOCPPO) Director Police Col. Dennis Wenceslao, ang bag-o nga ginbutang nga OIC sa Victorias City Police Station amo si Police Captain Rodrigo Martinez Jr.

Si Martinez ang anay OIC man sa Binalbagan Municipal Police Station.

Nahibaluan nga OIC lamang ang status ni Etorne, kasubong man ni Martinez bangod requirement sa mga hepe sang City kag Municipal Police Station nga dapat may ranggo nga Police Lieutenant Colonel.

Suno kay Wenceslao, sila ang nagadesisyon pa kun sin-o ang irekomendar nga mangin hepe sang Victorias City Police Station.

-- ADVERTISEMENT --

Samtang, indi naman makasabat si Wenceslao angot sa murder case ni Etorne bangod wala pa sila sang kompleto nga detalye, kag ang Integrity Monitoring and Enforcement Group (IMEG) Visayas Field Office amo ang nagserbe sang arrest warrant.