Co-accuse ni former House Speaker Martin Romualdez sa plunder case, nagsurrender sa NBI
-- ADVERTISEMENT --

Nagsungka na sa National Bureau of Investigation (NBI) ang isa sa mga co-accused ni former house speaker Martin Romualdez.

Santo sa NBI, nag-surrender si Felicito Cristobal Guevarra sa Forbes Park sa Makati City.

Nangin malinong kag wala sang gamo ang pag-surrender sini sa public corruption division sang NBI.

Si Guevarra ang presidente sang Samchan Foreign Exchange Corp nga nangin alagyan para sa kickbacks naggikan sa mga proyekto sang gobyerno nga ginaalegar ang nakabenepisyo amo si Romualdez.

Ginpahayag pa sang NBI nga sila ang nag-areglo paagi sa abugado sang akusado kun diin ini arestuhon.

-- ADVERTISEMENT --

Ginsugat sang NBI si Guevarra sa naplanohan nga lugar sa Santuario de San Antonio Parish sa McKinley Road sa Forbes Park Huwebes sang aga, Nobyembre 19.

Kadungan man sini ang pagserbe sang arrest warrant nga ginpagwa sang Sandiganbayan Third Division sa kaso nga plunder kay Guevarra, Romualdez, kag iban pa nga mga akusado.

Ang kaso ang nag-ugat sa gin-alegar P7.44 billion nga kickbacks sang anay speaker.

Naghatag naman ang Office of the Ombudsman sang conditional immunity kay Guevarra sa idalom sang Section 17 sang Republic Act 6779 ukon ang Ombudsman Act of 1989.

Ini bangud importante ang testimonya kag records sini angot sa kaso.