Gin-athag sang isa ka abogado nga ang paghack sang account ang wala sang komplikasyon apang sa tion nga ini ang ibuyagyag na sa social media, mahimo nga mangatubang sang kaso nga cyber libel.
Sa interview sang Bombo Radyo Bacolod kay Atty Jomax Ortiz, indi isolated case ang kontrobersiya sang celebrities nga sanday Maris Racal kag Anthony Jennings.
Ini bangod sa kada adlaw, madamo sang mga kaangay nga nagakatabo nga ginarecord ang mga interactions ukon bisan pa ang sexual activities.
Apang bangod sa teknolohiya sa karun, ini ang sarang gid nga mahack kag ma-access.
Paandam sini nga indi magsugot nga kuhaan sang video ang sexual activities sa partner bangod hinali magbulagay ukon may maghack sa account, ini ang mahimo maglapta sa social media.
Suno sa abogado, ang access sa personal account man ang gina-awayan sang madamo nga mga mag-asawa.
Pahayag ni Ortiz nga tinalikdan lamang nga semana, nagpagwa sang ruling ang Korte Suprema nga ang mga screen shots ukon mga ano man nga records nga makuha paagi sa paghack sang account ang sarang nga magamit nga ebidensya sa korte.
Ginpanindugan man sang pihak nga kampo ang secrecy ukon privacy bilang depensa bangod wala sang consent ang pagkuha sang impormasyon, apang ini ang wala ginbatun.
Apang paathag sang abogado nga ini ang aplikable lamang sa mga criminal cases.
Bangod indi man kasado sanday Anthony Jennings kag ex-girlfriend nga si Jam Velanueva, apisar nga indi pa makabig nga krimen ang paghack, lain na nga estorya sang ini ang ginpost sa social media.
Paathag sang abogado nga bisan tuman nga nasakitan si Jam bangod sa pagtonto sa iya sang duha, ini ang wala sang kinamatarong nga ipalapta sa social media ang ila erotic kag sensetibo nga private conversations.
Suno kay Ortiz, sarang gid nga makafile sang kaso nga cyber libel si Maris batok kay Jam.
Pahanumdom sang abogado nga dapat mahibaluan sang tanan nga indi lahog-lahog ang konsekwensya sang tikang.
Samtang nagapaandam man ini nga indi magsugot nga kuhaan sang video ang sexual activities sa partner bangod hinali magbulagay ukon may maghack sa account, ini ang mahimo maglapta sa social media.
