Luyag sang pinuno sang Philippine Olympic Committee nga mahatagan sang balay ang memorabilia sang Philippine sports.
Suno kay POC President Abraham “Bambol” Tolentino, kinahanglan sang POC sang balay sini kun diin ibutang ang achievements sang Filipino athletes.
Ginalauman sini nga ang House of POC ang ginalakipan sang museum kun diin ibutang ang memorabilia sang great athletes sang Pilipinas, lakip na ang achievements nanday Carlos Yulo kag Hidilyn Diaz-Naranjo.
Dugang pa sini, mas ideal kun ang House of POC ang malapit sa airport nga mas accessible sa mga foreign sports dignitaries nga may official function ukon visit sa pungsod.
Napadangat naman sini ang iya request kay President Ferdinand Marcos Jr kag ini man ang ginpamatian sang presidente.
Pahayag ni Tolentino, ginalauman sini nga matuman ang ila nga ginahandum nga balay para sa mga Filipino athletes.
