Ginpahayag ni Budget Acting Secretary Rolando Toledo sa hearing kahapon, nga wala sila nakahibalo sa bilyon-bilyon ka pesos nga balor sang fund insertions sa P6.326 trillion nga national budget sang fiscal year 2025.
Ini matapos nga ginpamangkot sang Independent Commission for Infrastructure (ICI) ang bilyon-bilyon mga insertion sa budget sang Department of Public Works and Highways (DPWH) sa idalom sang National Expenditure Program (NEP) para sa 2025.
Suno kay Sec. Toledo nga ang prosesa sang insertion ang ginahimo sa legislative level.
Suno diri, yara sa P26 billion nga balor sang mga proyekto sa idalom sang DPWH budget ang gin-veto sa 2025 national budget.
Nahibaluan nga sang Disyembre 2024, gin-veto ni President Ferdinand Marcos Jr. ang P26 billion nga balor sang mga proyekto sang DPWH para sa fiscal year 2025 bangud wala ini na-allign sa 8-Point Socioeconomic Agenda sang gobyerno.
Ginpahayag ni Sec. Toledo sil ang reactive lamang kag nagadepende lamang mga ini sa kaalam sang mga mamalidha, apang sa bahin sang preparasyon sang budget kinahanglan nga yara sila ang yara sa ibabaw.
