Ginakonsiderar ni Kabankalan City Mayor Benjie Miranda ang pagdeklarar sang State of Calamity sa ciudad sang Kabankalan bangud sa lapnagon nga epekto sang El Niño sa agrikultura.
Santo sa pinakaulihi nga data sang Office of the Provincial Agriculturist (OPA) sa Negros Occidental, nagdangat na karon sa P22,834,450.80 ang kabilugan nga kapierdihan sa humayan sa ciudad bangud sa dry spell nga nagresulta sa pagkalaya sang mga pananum sa 431.60 hectares nga talamnan.
Suno kay Miranda nga ginahulat niya ang rekomendasyon sang City Agriculture’s Office bangud ini ang mangin basehan kun ano nga bulig ang mahatag sang Local Government Unit sa 504 ka mga apektado nga mangunguma gikan sa 13 ka mga barangay nga nagasalig lamang sa ulan.
Nagapabor naman ang alkalde sa pagapatigayon nga cloud seeding sang provincial government kag ginalantaw nga makabenisyo man ang iban nga Local Government Unit.
