Gin-aresto ang isa ka amay bangod sa illegal nga druga matapos nga nanugid ang 10 anyos nga bata sini sa kapulisan sang siya ang gin-akigan bangod sa wala naghimo sang iya assignment.
Ang insidente natabo sa China kun sa diin gin-akigan sang amay ang iya bata nga wala nag-ubra sang iya assignment.
Bangod sa kaakig naggwa sa ila balay ang 10 anyos nga lalaki kag nagpadulong sa isa ka store kag nag-ayo kun mahimo nga makahulam ini sang telepono.
Gintawagan sang grade 5 nga bata ang emergency number sang China kag nag-ayo nga magsturya sa pulis bangod may ginatago nga druga ang iya amay sa ila balay.
Nag-abot ang pulis sa ila balay kag nakita ang walo ka dried poppy shells nga suno sa amay ginbakal sini apang para sa medicinal purposes lamang.
Gindala sang police ang mga ebidensya kag ang suspek sa police station kag ginpasa na ang kaso sa Anti-Narcotics Brigade.
Liwat nga nagpaandam ang mga kapulisan sa paggamit sang poppy husks nga wala sang permission bangod ini ang illegal sa kaangtanan sini sa poduksyon sang opium nga sadto nakaguba sa China.
