Ginserbehan sang duha ka warrant of arrest ang suspetsado sa attempted rape kag physical injury sa joint operation sang San Lorenzo Municipal Police Station sang San Lorenzo, Guimaras kag Pulupandan Municipal Police Station kahapon sang hapon sa Pulupandan, Negros Occidental.
Sa interview sang Bombo Radyo Bacolod kay Police Major Anthony Grande, hepe sang Pulupandan Municipal Police Station, ang arestado amo si Richard Cordova, 40 anyos, kasado kag residente sang Barangay Zone 2, Pulupandan.
Ini ang paagi sa pag-upod sang pwersa sang Pulupandan Police kag San Lorenzo Municipal Police Station nga ginpangunahan ni Police Lt. Ma. Rosario Miranda.
Ang mga warrant of arrest ang lunsay gin-issue ni Hon. Rosario Abigail M. Dris-Villanueva, Presiding Judge, RTC brand 65, San Miguel, Jordan, Guimaras sadtong January 23, 2017.
May yara sang pyansa nga P200,000 para sa temporaryo sini nga kahilwayan sa kaso nga attempted rape kag physical injury.
Suno kay Grande, anak mismo sang suspetsado ang biktima kag nagpasaka sang kaso batok sa iya.
Ginpahayag man sang hepe nga pagkatapos sang krimen sadtong Enero 2017, nagpadulong ini sa banwa sang Pulupandan bangud may mga paryente man siya sa nasambit nga banwa kag nagpanago sang malapit sa apat ka tuig.
