Wala na nahimo pa sang amay sang duha ka mga bata nga napatay sa sunog sa Purok Lison, Brgy 1, ciudad sang Bacolod nga masalbar ang walo kag anum ka tuig nga bata sini.
Sa interview sang Bombo Radyo kay Gave Gutierrez, kapin isa ka tuig na sila nga bulagay sang iya anay-nobya.
Suno diri, ang balay sang iya utod ang temporaryo nga gintiniran sang mag-iloy.
Kun kaisa naga-upod ini tulog sa iya mga bata kag kun kaisa naman ginabilin sa iya ukon sa iya amay ang mga bata kun maglakat ang iloy.
Suno pa diri, ang iya anay-nobya ang may nobyo naman sa karun kag nagdesisyon nga dal-on na sa Iloilo ang mga bata kag didto na magtinir.
Sa karun wala pa sila nakaesturyahanay sang iya anay-nobya kun diin ihaya ang mga bata.
Pahayag sang amay, nagtinguha pa siya nga sudlon ang balay apang wala na sini nahimo pa bangod dako na gid ang kalayo.
