Nagbaton ang anom ka mga barangay sa ciudad sang Bacolod sang tag-isa ka three wheeled motorized garbage collection equipment.
Sa interview sang Bombo Radyo kay Ma. Fe Tresfuentes, officer-in-charge sang Department of Public Services, ang three wheeled motorized garbage collection equipment ang magakuha sang basura sa mga barangay nga indi mahimo masulod sang dalagko nga mga garbage truck.
Suno diri, ini ang magakuha sang basura kag ibutang sa garbage bin kag amo naman nga kuhaon sang garbage truck.
Anum na tanan ka mga barangay ang nagbaton sini nga amo ang barangay Banago, Felisa, Tangub, Singcang-Airport, 15 kag 35, samtang may yara pa sang 15 ka mga motorized garbage collection equipment nga iturn-over sa mga kwalipikado nga mga barangay.
Sa karun, tag-isa pa lamang ang mahatag sa mga barangay bangod nga ini ang nagakinahanglan man sang driver, collector kag fuel kag gina-asses pa kun epektibo ang paggamit sini.
Ang three wheeled motorized garbage collection equipment, ang ginturn-over sang IPM Construction and Development Corporation sa idalum sang kontrata nga sila ang magaprovide sini sa ciudad.
