Gindissolve ni Israeli Prime Minister Benjamin Netanyahu ang anum ka miyembro sini nga war cabinet suno sa isa ka Israeli official, isa ka tikang nga ginlauman na matapos nagbiya a iya gobyerno si former general Benny Gantz.
Si Netanyahu ang ginalauman na nga magpatigayon sang mga konsultasyon natuhoy sa gyera sa Gaza kaupod ang magamay nga grupo sang mga ministers nga ginalakipan nanday Defense Minister Yoav Gallant kag Strategic Affairs Minister Ron Dermer, nga nangin kabahin man sang war cabinet.
Ang prime minister ang nagapangatubang sang mga demands nagikan sa nationalist-religious partners sa iya coalition nga sanday Finance Minister Bezalel Smotrich kag National Security Minister Itamar Ben-Gvir nga malakip sa war cabinet, isa ka tikang nga makapasanyog pa sang tensyon sa international partners lakip na ang Estados Unidos.
Ang forum ang natukod matapos ang pag-upod ni Gantz kay Netanyahu sa isa ka national unity government sa pagsugod sang gyera sang Oktubre.
