“I ask you to let Rodrigo Duterte return to the Philippines, not to govern, but simply to let him live out the rest of his days in his humble dwellings in Davao”.
Ini ang closing statement ni Atty. Nicholas Kaufman, lead defense counsel ni former President Rodrigo Duterte, sa pagtakop sang confirmation hearing sa International Criminal Court (ICC) Pre-Trial Chamber.
Antes pa man sang closing statement ni Kaufman gindetalye man sini ang pagniwang ni Duterte kag ang iya kasubo samtang yara sa detention.// Ginsaysay man sini sa judges nga naghambal na si Duterte nga nabaton na sini ang iya kapalaran sa ICC.
Liwat naman nga ginhingyo ni Kaufman ang husgado nga indi pag-iconfirm ang charges batok sa anay presidente.
Apang antes nagtakop ang confirmation hearing kagab-i, nagtindog si senior trial lawyer Julian Nicholls kag nag-apelar sa judges nga indi na pag-ilakip sa records ang closing statement nga gin-deliver sang defense counsel nga si Nicholas Kaufman.
Ang ginapakakas sini sa record amo ang bahin sang statement ni Kaufman nga ginpahayag sini nga ginhambal ni former President Rodrigo Duterte.
Samtang suno kay Presiding Judge Iulia Motoc, maga-deliberate ang chamber kag magapaguwa sang desisyon sa sulod sang 60 ka adlaw kun ipasaka bala ang kaso ni Duterte para sa trial.
