Tubtob sa ano ayhan ang mahimo sang isa ka tawo para makakuha sang pension? Isa ka Spanish nga babayi ang nagpakuno-kuno nga apa agud makakolekta sang Disability Pension.
Sang 2003, may isa ka babayi nga nagatrabaho sa merkado sa Andulacia, Spain nga gin-atake sang customer.
Kasunod sang traumatic nga insidente, siya ang nadiagnose sa post-traumatic stress disorder kag nadulaan ini sang abilidad nga makahambal.
Sang ginreview ang kaso sini, gingrant sang Social Security sa babayi ang permanent disability pension, apang bangod ini ang isa ka work-related incident, nangin resposable ang insurance company sa gasto para sa babayi.
Makaligad ang pila ka tuig, bilang regular procedure, ginreview sang insurance company ang kaso sini kag nakita nga may yara sang irregularities, kag didto na sila nagpatigayon sang imbestigasyon.
May ginkuha sila nga private detective nga nakadiskubre nga ang babayi makahambal sang normal apang padayon nga nagabaton sang disability payments.
Natukiban sang insurance company nga wala sang rekord nga indi ini makahambal ang babay santo sa ophthalmologist, orthopedist, dermatologist nga ginakadtoan sini.
Suno sa ginkuha nga imbestigador, makahambal sang normal ang babayi kun magesturya ini sa dalanon kag sa mga iloy nga yara sa gwa sang buluthuan kag makagamit sang cellphone nga wala sang problema kag naga-attend pa sa Zumba class.
Ginpalapitan sang imbestigador ang babayi kag ginpamangkot kun ano ang dereksyon padulong sa isa ka store kag gintudloan man ini sang babayi nga wala nakahibalo nga nakarekord ang iya ginahambal.
Sa karun, gin-untat na ang paghatag sang disability benefits kag gindagdagan sang kaso ang babayi kag ang insurance company luyag nga pabayaran sa babayi ang tanan nga nakuha sini nga kwarta sa sulod sang 16 ka tuig.
