Ginsulong sang isa ka iloy ang isa ka kompanya sa Taobao, China ang isa ka kompanya, nga isa sa pinaka dako nga online retail platforms agud mag reklamo sa alegasyon nga ang iya bata nga babaye ang nagbusong matapos magsuksok sang bag-o nga pares sang underwear nga ginbakal gikan sa kompanya.
Biskan ano pa nga eksplenasyon ang ginhimo sang staff sang kompanya, nga nagapanindugan nga imposible magbusong ang iya anak sa pagsuksuk lamang sang underwear, ang iloy indi wala gid makumbinser kag indi magpati.
Sa ulihi, ginpabalo na lamang sa iloy nga ang tanan nga factory staff ang babaye samtang ang ila boss naman ang nagpa-vasectomy, gani ang pagbusong sang dalagita wala sang kaangtanan sa kompanya.
Sa kahadlok nga ang iloy sang dalagita mag-iskandalo sa publiko upod ang iya kaugalingon nga bersyon sang istorya, ang kompanya nagdesisyon nga ini unahan kag ginpost sa social media agud makita sang mga tawo ang indi mapatihan nga panindugan sini.
Ang post ang madasig man nga nagviral kag gin-ulan sang madamo nga makahalam-ot nga mga komento kag mga teyorya kun paano nagbusong ang bata nga babayi.
Ang iban sigurado nga ang dalagita nagpakunokuno nga wala sang ihibalo agud malikawan nga maakigan sang iya iloy.
Samtang may iban naman nga nagpinsar sang iban pa nga teyorya kaangay sang paglangoy sini sa isa ka pampubliko nga swimming pool nga nagresulta sa iya nga pagbusong.
