Magahatag sang napulo ka mga electric vehicles ang Bacolod City Government sa Bacolod City Police Office.
Sa interview sang Bombo Radyo kay BCPO Director Police Col. Joeresty Coronica, igahatag ni Bacolod City Mayor Greg Gasataya ang napulo ka mga electric vehicles bilang kabahin sa pagsuporta sa kapulisan sa padayon nga pagpasiguro sang seguridad kag pag-imprubar sa serbisyo publiko.
Suno kay Coronica, sa pagpili sang salakyan, ginkonsiderar ang kadasigon sini, kaangay sa mga patrol cars sang Venezuela Police Station, apang suno diri ang focus sang mga kapulisan ang wala lang sa kadasigon kundi sa pagdeploy strategically sang mga nasambit nga salakyan.
Dugang pa, may ara man sila sang ginpatindog nga duha ka radio repeaters agud nga ma-imprubar pa gid ang radio communication sang mga kapulisan.
Pahayag ni Coronica nga ini ang gin-anunsyar na sang alkalde gani lauman nga mahatag subong nga tuig.
