Plano sang alkalde sang ciudad sang Bacolod nga magbutang sang park kag football field sa bakante nga lote sa likod nga bahin sang Bacolod City Government Center.
Sa interview kay Bacolod City Mayor Alfredo ‘Albee’ Benitez, plano sini nga pabutangan sa likod sang government center sang park kag mga kiosks nga mahimo baligyaan kag ginpropose man sini nga magbutang sang Manokan Country nga pwede tawgon nga Manokan Country East.
Suno kay Benitez, lantawon pa sini kun ano gid ka lapad ang lugar kag tun-an pa sang ciudad ang ibutang diri bangud ini ang pribado nga duta nga ginlease lang sang ciudad.
Dugang pa sini, isa man sa ginatun-an sang ciudad nga rentahan nalang gid ang duta kag himuon nalang nga dugang nga parking area.
Suno kay Benitez, magatindog na ang legeslative building gani madula na ang football field, rason nga ginapropose nga rentahan ang duta agud nga himuon public parking, football field kag parks agud may kadtuan sa gihapon ang mga tawo.
