Wala sa gihapon sang klase sa ciudad sang Bacolod subong nga adlaw, Hulyo 18, matapos nagpagwa sang anunsyo si Bacolod City Mayor Greg Gasataya nga nagapalawig sang suspension of classes sa tanan nga levels, lunsay public kag private schools, bangud sa malain nga tiyempo.
Sa Negros Occidental, suspendido man ang klase sa Talisay City, Silay City, Cauayan, Himamaylan City, Ilog, Moises Padilla, Isabela, Salvador Benedicto, Binalbagan, Calatrava, Sipalay City, Candoni, La Castellana, La Carlota City, Bago City, Pulupandan, Valladolid, Hinigaran, Pontevedra, Hinobaan, Murcia, Kabankalan City kag EB Magalona.
Gin-abisuhan sang mga chief executives sang nasambit nga mga local government units ang mga pumuluyo nga mag-aligmat kag mangin alerto sa posible nga mangin epekto sang Bagyo Crising kag Southwest Monsoon.
