Ginpahayag sang alkalde sa ciudad sang Bacolod nga dapat excellent service ang magpanguna nga ihatag sang Primewater sa pagdeliver sang tubig sa mga konsumidor sa Bacolod City.
Sa interview kay Bacolod City Mayor Greg Gasataya, para sa iya ang pinakaimportante sa karun kun paano maimprove ang pagserbisyo sang Primewater.
Suno kay Gasataya, desisyon na sa kompanya ang paghatag sang kapital apang ang importante nga may improvement sa ila nga ginahatag nga serbisyo.
Pahayag sini nga kun mafinalize na ang bag-o nga nagapanag-iya sa Primewater, ang ciudad ang magapungko kaupod sang Bacolod City Water District, kag sa bag-o nga tag-iya sang water concessionaire agud ma-estoryahan ang pag-imprubar sang serbisyo.
Suno diri ang BACIWA kuntani ang magaserbe nga look-out sang operasyon bangud sila ang naghimo sang kontrata sa Primewater kag wala na diri nadala ang ciudad.
Suno kay Gasataya, ang ciudad ang magabulig lamang sa pagfacilitate, apang ang pagsiguro sang operasyon ang dapat himuon sang water district.
