Bacolod City Police Office, nagpatigayon sang disposal sang nakumpiskar nga firecrackers, pyrotechnics devices kag boga

Nagpatigayon sang firecrackers, pyrotechnics devices kag boga disposal ang Bacolod City Police Office kaina sang aga.

Sa interview sang Bombo Radyo Bacolod kay BCPO deputy city director for operation Police Lt. Col. Lester Leada, nagdangat sa kapin sa 4,000 ka mga firecrackers kag 135 ka mga boga ang nakumpiskar sang kapulisan.

Suno diri, iban diri ang illegal nga mga palupok kag pyrotechnics devices samtang ang iban naman ang ginkumpiskar gikan sa mga indi lehitimo nga manugbaligya.

Ginpalapakan sang truck ang mga boga samtang ang mga palupok naman ang ginpangbasa kag ginlubong agud nga indi na liwat pa nga magamit.

Sa karun, narekord nga may 25 ka firecrackers related injury sa ciudad.