Padayon nga nagahatag sang natipon nga impormasyon ang Bacolod Police Station 9 sa La Carlota City Police Station agud makabulig sa pagsolbar sang kaso ni Pearl Joy Galve.
Madumduman nga si Pearl Joy ang nadula sang Hulyo 29 sa Barangay Sum-ag Bacolod City kag nasapwan sang Agosto 14 sa kakampuhan sa Barangay Cubay, La Carlota City.
Sa interview sang Bombo Radyo Bacolod kay Police Captain Michael Tuburan, station commander sang Bacolod City Police Station 9, indi pa man madakop ang ginapatihan nga suspek sa pagpatay kay Pearl Joy bangud wala man sang kaso.
Nagpanugyan man ini nga agud malikawan ang kaangay nga insidente, dapat nga siguruhon sang mga ginikanan nga makapauli ang mga bata antes ang curfew hours.
Kahapon nagwa na ang resulta sang autopsy examination sa bangkay ni Pearl Joy Galve apang indi pa matumod kun ini ang ginhimuslan, apang kaangay nga ginkastigo ang biktima.
