Gintupok sang kalayo ang isa ka balay sa Santol Ville, Barangay Mandalagan, Bacolod City subong nga hapon.
Ang two-storey building ang ginapahayag ginapanag-iyahan ni certain Silang Nuñez.
Sa interview sang Bombo Radyo Bacolod kay Jay-R Zamora, apo sang tag-iya siya ang yara sa ginatrabahuan nga motorcycle shop sa Purok 13, Barangay Mandalagan sang nahibaluan ang nagluntad nga sunod, gani gilayon ini nga nagpauli.
Ang balay ang concrete sa idalum samtang light materials naman ang ikaduha nga panalgan.
Ginapakamaayo man sini nga nakagwa ang iya amay kag mga hinablos sa balay.
Bangod compound ang area, gin-athag ni Zamora nga tiya sini ang babayi nga naglain ang pamatyag, apang ini ang nagapuyo sa balay nga yara sa likod.
Ginakasubo sini nga wala gid sang may nasalbar nga gamit gikan sa balay.
Madasig naman nga napatay ang kalayo kasunod sang pagresponder sang madamo nga firetrucks, apang nakaangkon lamang sang kabudlayan bangod sa makitid nga area.
Sa karun wala pa matumod kun diin nag-umpisa ang kalayo kag kun ano ang gintunaan sang sunog.
