Nagpositibo sa anti-depressant drug ang bangkay ni anay Department of Public Works and Highways (DPWH) Undersecretary Catalina Cabral.
Ini ang ginkumirpar sang Philippine National Police (PNP) sa naggwa sa inisyal nga toxicology report.
Santo sa preliminary laboratory report halin sa PNP Regional Forensic Unit–Cordillera Administrative Region, nagpositibo ini sa citalopram, isa ka klase sang antidepressant drugs.
Antes ang resulta sang toxicology report, una na nga ginkumpirma sang kapulisan nga may na-recover nga kutsilyo kag bulong sa hotel room nga gintiniran ni Cabral sa Baguio City.
Sa resulta naman sang histopathological exam, wala sang abnormalities ukon terminal diseases ang anay opisyal.
Una na ginpahayag ni Interior Secretary Jonvic Remulla nga base sa ila inisyal nga imbestigasyo , gin-utas sang anay DPWH official ang iya nga kabuhi.
