Mga miyembro sang New People’s Army (NPA) ang ginapatihan nagpatay sa isa ka barangay kagawad sa banwa sang Moises Padilla kahapon sang udto.
Una diri, nag-angkun sang pito ka igo ang biktima nga si Raul Fat, 48-anyos sang Sitio Agogoho, Brgy. Macagahay sang ini ang ginluthang samtang nagapangape sa payag samtang naga-duty sa clinic sang barangay mga alas-11:40 sang udto.
Suno sa hepe sang Moises Padilla Municipal Police Station nga si Police Captain Hansel Lumandas, ginpalapitan lang sang tatlo ka mga lalaki nga naka-bonnet ang biktima kag ini ang ginluthang gamit ang kalibre 45 nga armas.
Mga NPA members naman ang ginasuspetsuhan ni Lumandas nga may kahimuan sini bangud santo sa ila pag-usisa sa nakasaksi sa krimen, nagsinggitan ang mga suspetsado sang hustisiya para sa mga pumuluyo kag nagpakilala nga mga makawala nga grupo antes nagbiya sa lugar.
Sa karun padayon pa man nga gina-imbestigaran sang kapulisan ang nasambit nga krimen.
