Gindeklarar nga dead on arrival sa ospital ang isa ka lalaki matapos nga ginluthang sang anum ka mga wala makilal-an nga armado nga persona sa Sitio Harvey, Barangay Minapasuk, Calatrava, Negros Occidental.
Santo sa inisyal nga imbestigasyon sang Calatrava Municipal Police Station, alas 5:30 ang takna kaina sang kaagahon, Hulyo 11 nagalakat ang biktima padulong sa iya nga uma may yara sang anum ka mga wala makilala nga armado nga persona kag wala sang madamo nga estorya hinali nga gintiro ang biktima gamit ang wala matumod nga calibre sang armas-luthang.
Ang biktima ang nakaagom sang apat ka igo sang bala kun sa diin isa sa ulo, duha sa dughan kag isa tiyan.
Gindala pa ini sa Calatrava Municipal Hospital apang gindeklarar nga dead on arrival.
Narecover sa crime scene ang duha ka fired cartridges sang caliber 5.56 caliber kag isa ka fire cartridge sang .45 caliber pistol, mga panakot kag isa ka duyan.
Ginalantaw nga pagdumot ang motibo sa pagpatay biktima.
Padayon naman ang pagpangita sang mga kapulisan sa mga suspetsado.
