Ginreport sang China Coast Guard nga nagbungguanay ang barko sang Pilipinas kag China sa Ayungin shoal nga isa ka submerged reef sa may Spratly Islands sa West Philippine Sea subong nga adlaw, Lunes, Hunyo 17, 2024.
Sa ginpa gwa nga pahayag sang China Coast Guard., gin-alegar sini nga wala ginsapak sang resupply ship sang Pilipinas ang madamo ka beses nga paandam nagikan sa bahin sang China.
Gin-akusaran man sini ang barko sang Pilipinas nga nagpalapit ang barko sa unprofessional nga pamaagi nga nagresulta sa pagbungguanay.
Dugang pa sa akusasyon sang CCG ang barko sang Pilipinas nga ilegal nga nagsulod sa kadagatan malapit sa Ayungin shoal sa Spratly Islands.
Suno pa sa China Coast Guard nga nagpatigayon ini sang control measures batok sa barko sang Pilipinas santo sa layi.
Sa karun, wala pa sang ginpa gwa nga pahayag ang Pilipinas nga may kaangtanan sa panibag-o nga insidente sa Ayungin shoal sa West Philippine Sea nga nalakip sa exclusive economic zone sang atun pungsod.
