BACOLOD CITY— Patay ang 7 anyos nga bata kag ang amay sini matapos ginbuno kag ginsunog sa Hacienda Pula, Brgy. Kapitan Ramon Silay City.
Ang biktima ang ginkilala kay Antonio Padua 64-anyos kag ang 7-anyos sini nga bata.
Sa interview sang Bombo Radyo kay Rogelia Padua, 44-anyos asawa sang biktima nga wala ini sa ila puluy-an sang nagluntad ang krimen bangud yara ini sa ciudad sang Talisay nagatrabaho.
Suno kay Rogelia nga nagselebrar pa ang mag-amay sang kaadlawan sang 7-katuig nga anak sini kagab-i antes nagluntad nag krimen.
Dugang pa sini nga sang timpnao pa nagtawag ini sa iya bana kun sa diin may nabatian ini nga tingog sang mga lalaki kag sang ginpamangkot sini si Antonio kun sin-o ang kaupod wala na ini nagsabat, gulpi lang napatay ang cellphone kag indi na makontak.
Dugang pa sini nga may mga buno sa tyan si Antonio samtang gingutrab naman ang liog sang 7-katuig sini nga bata.
Nahibaluan nga una ginbuno ang amay sa balkoneha snag puluy-an kun sa diin makit-an ang nagalinapta nga dugo kag ginguyod ini pasulod sa puluy-an.
Sunod nga ginpatay ang 7-katuig nga bata sa kwarto kun sa diin gingutrab ang liog sini kag ginapasuni ginrape bangud wala na ini sang pang-idalom nga panapton.
Matapos ang pagpatay ginguyod man ang 7-katuig nga bata kag ginpahapa sa dugahn sang amay sini, gintampukan sang mga panapton kag ginsunog.
