BACOLOD CITY — Positibo ang resulta sang kampanya sang kapulisan kontra sa iligal nga pasugal sa ciudad sang Bacolod.
Suno kay Police Senior Supt. Jack Wanky, director sang Bacolod City Police Office, madamo na ang mga operasyon sang mga police stations nga nagpositibo kag madamo ang nagkaladakpan.
Nahibaluan nga nagmandu ang national headquarters nga papason ang illegal gambling sa sulod sang 15 ka adlaw.
Suno kay Wanky, nakabaton sila sang feedback nga may mga operators nga nag-untat na gid man sang operasyon apang aminado ini nga may iban man nga nagapataya nga pulis lang man ang ginabantayan.
Sa mga merkado suno sa BCPO director, may yara sang nag-untat na gid man sang operasyon samtang ang iban naman ang nagkaladakpan na.
Kadungan sini, gin-athag sang opisyal sang pulis nga halin sang una, wala niya ginatolerar ang presensya sang illegal gambling.
Nagapati man ini nga nagapares ang iligal nga druga kag iligal nga pasugal.
