Ginpasalamatan sang city director sang Bacolod City Police Office ang Department of Education (DepED) nga nagpanguna sa pag-request sa ginpatigayon nga simulation exercises bilang preparasyon sa ano man nga pamahog sa mga eskwelahan.
Sa interview sang Bombo Radyo Bacolod kay Police Col. Eugene Rebadomia, nagapadayon ang ila ginapatigayon nga active shooter simulation exercises kag iban pa nga mga insidente nga posible nga magaluntad nga mga insidente.
Ginkalipay man ni Rebadomia nga DepEd na mismo ang nagsulat sa ila gani mas mahapos na ang ila pag-access sa mga eskwelahan sa pagpatigayon sang simulation exercises.
Suno kay Rebadomia ang pila sa mga ginatudlo sa simulation exercises ang pagpalagko kun mabatian nga paglupok.
Apang kun indi namahimo nga makagwa, kinahanglan nga magpanago sa sulod sang buluthuan ukon sa isa ka lugar nga luwas.
Dapat man nga i-lock ang pwertahan kag siguruhon nga indi ini gilayon mabukasan sang gunman.
Pahanumdom sang city director sa publiko nga likawan ang magkuha sang video kag unahon gid ang seguridad.
Ginapanawagan man sini nga magdial gilayon sa emergency hotline 911 agud madasig nga marespondehan.
