Bea Alonzo in a relationship nagid man bala?

Gina-alegar nga in a relationship na ang aktres nga si Bea Alonzo sa isa ka business tycoon sa Pilipinas.

Ang rumor nag-umpisa matapos magpost sang picture sa social media si Ferdinand Vincent Co, nga amo ang presidente sang Puregold Price Club Inc.

Sa picture ni Co, nagbakasyon ini sa Andalucia, Spain kaupod ang indi makilal-an nga babayi.

Samtang, nagpost man sang picture si Alonzo sa amo man nga lokasyon sa Spain suksok ang outfit kaangay sa post ni Co.

Santo sa mga report, bukas si Co sa pagpahibalo sini sang iya relasyon kay Alonzo sa iya private circle kag ini ang suportado man sang ila pamilya.

Dugang pa gid, gina-alegar nga gindala ni Co si Alonzo sa vineyard sang ila pamilya sa Spain.