Ginpanugyan ang bise alkalde sa ciuadad sang Bacolod nga indi na magpadungol agud matapna ang paglapta sang coronavirus disease 2019 ukon covid-19.
Sa interview sang Bombo Radyo Bacolod kay Vice Mayor El Cid Familiaran, ginpahayag sini nga nagpatuman ang ciudad kasubong man ang probinsya sangenhanced community quarantine (ECQ) agud limitahan ang paglakat sang tawo agud tapnaon ang padayon nga paglpta sang nasambit nga masakit.
Suno kay Familiaran kun magpadayon nga magpakatig a ang iban nga residente sa pagsunod sang mga patakaran nga ginapatuman agud mapunggan ang padayon nga paginfect sang Covid-19 sa lugar mahimo nga mabag down ang ekonomiya kag mas madamo pa ang mga maapektuhan bangud madamo nga mga negosyo an masirado gani madamo ang madulaan sang ubra.
Wala naman sang budget ang syudad ukon probinsya sa igagamitton sa pagsuporta sa mga pigado bangud wala na sang magabayad sang buwis.
Gani, nagpanugyan si Familiaran nga buligan sa pakigbato sa Covid-19 ang ciudad kag probinsya paagi sa pagtuman sang mga pagsulundan kadungan sang pagpatuman sang ECQ.
