BACOLOD CITY — Kadungan sang Pebrero 13, trese ka mga balay ang gin-upos sang kalayo kag patay ang isa ka bombero sa San Carlos City Fire Station matapos nakuryente sa ginrespondehan nga sunog kaina sang aga.
Gindala pa sa San Carlos Doctors Hospital si Fire Officer 1 Ricardo Catalan apang napatay man samtang ginabulong sang tatlo ka mga doktor.
Suno kay Fire Supt. Fred Trajeras, acting regional director sang Bureau of Fire Protection Negros Island Region, nag-upod ang bombero sa mga nagresponde sa sunog nga nagluntad sa residential area sang Barangay 1 pasado las 10:00 ang takna kaina sang aga kun sa diin naglawig sang 45 minutos antes napalong ang kalayo.
Nagpilit sa linya sang kuryente si Catalan kun sa diin nadugayan pa antes nakakas ini bangud wala na-off ang supply sang elektrisidad.
Indi na makilala ang itsura ni Catalan matapos nga nabatok.
Ginkasubo ni Trajeras ang natabo bangud nagtuon pa ini sa bisperas sang Valentine’s Day.
Nagdangat naman sa P113, 500 ang ginabanta nga balor sang halit nga gintuga sang sunog.
