Ginakasubo sang bug-os nga Diocese of Bacolod ang pagtaliwan ni Pope Francis.
Sa mensahe ni Msgr. Ronald Quijano, rector sang San Sebastian Cathedral, Diocese of Bacolod, ang kabuhi ni Pope Francis ang inspirasyon sang tanan kag naghatag sang paglaom sa Jubilee Year 2025 nga tuig man sang paglaom.
Suno kay Quijano,ang ehemplo nga ginpakita ni Pope Francis amo nga ang simbahan ang dapat mag-usoy sang banas sang pagpaubos kasubong man ang pagkaluoy kag amo man ini ang motto ni Pope Francis.
Naghatag man ang Santo Papa sang kaluoy sa mga makasasala kag nagimpluwensya sa Simabahang Katolika sa sulod sang 12 ka tuig.
Mabinungahon man ang impact sang Santo Papa humalin sa bata tubtob sa mga katigulangan.
Suno kay Quijano, gindedikar sang Santo Papa ang kabuhi sini sa paghigugma kag pag-alagad sa Ginoo kag sa bug-os nga Simbahan kag Ini ang indi man dali-dali malipatan.
Dugang pa sini nga dapat ipasubli man sa mga madason nga henerasyon nga dapat indi magkalipat sa paghigugma kag pagkaluoy sa tanan.
Ginlakip man sa misa kahapon ang pagpangamuyo kasunod sang pagtaliwan ni Pope Francis.
