BACOLOD- Patay ang isa ka lalaki matapos ginluthang sa Dalan Galo, Brgy. 12 ciudad sang Bacolod kagab-i.
Ginkilala ang biktima kay Norman Inoperio, 40-anyos sang Purok Tapulanga, Brgy. 9, Bacolod City.
Santo sa impormasyon nga nakuha sang Bombo Radyo Bacolod, riding-in-tandem ang suspetsado nga nagluthang sa biktima nga kilala man kay Alyas Tinggay nga nagatrabaho bilang isa ka “bugaw”, alas-10:00 kagab-i.
Nagalakat ang biktima upod ang duha ka iban pa sang nagpondo ini sa likod sang isa ka eskwelahan agud mangihi kag hinali lang nga nag-abot ang riding-in-tandem suspects kag ini ang ginluthang.
Wala naman naulamid ang mga upod sini.
Santo sa pagpangusisa, may gin-areglo nga kliyente si Inoperio sang Hunyo 1 para sa isa ka babaye nga nagapabayad man apang naakig sa iya ang partner sini.
Diri kag ginhambalan siya nga tikalon kag sa pila ka adlaw, magatumpilak ini.
Sa pagpadulong sang Bombo News Team sa crime scene, makita ang biktima nga may pilas sa ulo kag narekober ang 5 ka empty shells sang 9mm caliber pistol kag duha ka deformed bullets.
Sa interview naman sa residente sa lugar nga si Laikan Baylona, indi niya kilala ang biktima kag lima ka lupok ang ila nabatian antes ini nasapwan nga nagahamyangon na sa dalan.
