Nagpasa sang sulat ang Progressive Alliance of Capitol Employees kay Governor Eugenio Jose “Bong” Lacson nga nagahingyo nga hatagan sila sang bonus sini nga Disyembre.
Sa interview sang Bombo Radyo Bacolod kay PACE vice president kag spokesperson Renelo Lastierre, ginpahayag sini nga nagpadala sila sang sulat sa gobernador nahanungod sa productivity enhancement incentive, incentive benefits for exemplary services kag collective negotiation agreement incentive bonus sang mga empleyado sang probinsya.
Suno diri, nagalaom sila nga ma-grant ni Lacson ang ila nga hingyo.// Nagpasalig man si Lastierre nga bayluhan nila sang mas maayo nga serbisyo ang bonus nga ila mabaton.// Sa karon, wala pa sa gihapon mahibaluan kun pila ang kantidad nga ila mabaton sini nga holiday season bangud may yara sang basehan sa paghatag sini.
Samtang, ginpasiguro naman ni Vice Governor Jefrrey Ferrer nga suportado nila ang ano man nga desisyon ni Lacson.
Ginkumpirmar man sini nga nabaton na sang Sangguniang Panlalawigan ang kopya sang sulat nga ginpadala sang PACE sa gobernador.
