BACOLOD CITY — Naghingagaw pa sa sign-off sang Bombo Radyo Bacolod ang isa na naman ka tampad nga taxi driver agud nga i-turnover ang nabilin nga cellphone sang iya pasahero.
Antes mag-alas 11:00 kagab-i, nagpadulong sa estasyon si Avelino Aldy, driversang Farah Faye Taxi kag residente sang Sitio So-ol 2 ciudad sang Silay, agud nga idul-ong ang cellphone nga nabilin sang Korean national nga nagsakay sa ginamaneho nga taxi.
Suno diri, mga alas 8:00 kagab-i sang nagsakay halin sa Robinsons Mall sa Brgy. Mandalagan ang tatlo ka lalaki kag isa ka babaye nga Korean nationals padulong sa Lopue’s East.
Makatatlo pa ini magkuha sang pasahero matapos ang mga Korean nationals antes nakit-an sang isa ka babaye nga pasahero ang Samsung brand nga cellphone kag itom ang cover sini.
Sang masapwan ang cellphone, wala na ini nagpangduha-duha pa nga dal-on ini sa Bombo Radyo.