Ginkumpormihan sang General Manager sang Central Negros Electric Cooperative (CENECO) ang pahayag ni Bacolod City Councilor Wilson “Jun” Gamboa Jr. angot sa pagpatigayon sang general assembly sang mga miyembro sang CENECO.
Sa interview sang Bombo Radyo Bacolod kay Atty. Arnel Lapore, ugyon siya sa general assembly agud nga madiskusyonan ang financial kag operational status sa nabilin pa nga 30 percent share sang CENECO sa partnership sini sa Negros Electric and Power Corporation (NEPC) sa distribution sang kuryente sa ciudad.
Suno kay Atty Lapore, wala sila sang nakita nga problema sa serbisyo sang Negros Power, bangod gina-ubra nila ang pasalig nga maghatag sang husto nga serbisyo.
Pasalig ni Atty Lapore nga ubrahon sini ang 30 porsyento nga bahin sang kooperatiba sa paghatag sang serbisyo sa kuryente sa ciudad.
