Ginpa-athag sang chief executive officer sang Metro Bacolod Chamber of Commerce and Industry ang 20 percent nga tax sa savings sa bangko.
Sa interview sang Bombo Radyo Bacolod kay Frank Carbon, humalin pa sadto may yara na sang tax kun may yara sang savings sa bangko apang ini sa interest income lamang kag indi sa deposit.
Suno diri, sadto kun may yara sang savings nga masobra na sa lima ka tuig wala sang tax nga bayaran apang kun manubo sa lima ka tuig may yara sang tax sa interest.
Apang santo sa Capital Market Efficiency Promotion Act (CMEPA) tanan may yara na sang withholding tax, bisan sa isa ka bulan ukon pulo ka tuig man nga savings.
Suno kay Carbon, ang gobyerno ang makabenepisyo sini diri bangod madugangan pa gid ang ila income samtang ang may savings naman sa bangko mabuhinan sang 20 percent. Samtang…Ginpahayag sa Secretary General sang General Alliance of Workers Association (GAWA) nga may negatibo nga epekto sa mga low income earners ang 20 percent nga tax sa savings.
Suno kay Wennie Sancho, indi na ma-ingganyo ang mga tawo nga magsave sa bangko bangod nga magamay na lang ang ila income apang buhinan pa gid ini.
Suno diri, mas mangabudlay sini diri ang mga nagapanagbuhi kag nagsalig sa ila nga savings kaangay sa mga senior citizens nga nagasalig sa ila savings.
Suno kay Sancho, dapat saktohon ini sang gobyerno bangod indi ini patas para sa mga nabudlayan sa pagpangabuhi kun sa diin ang pigado nagapigado na gid.
Dugang pa sini, dapat binag-binagon sang gobyerno ang pagbuhin sa mga gamay nga tiniponan sang tawo para gamiton lang sa korapsyon.
