Nakuha sang China ang pinakauna nga gold medal sa Paris Games sa 10-meter air rifle mixed team event.
Ini ang nakuha nanday Huang Yuting kag Sheng Lihao, samtang naangkon naman sang South Korea ang silver medal kag bronze medal naman sa Kazakhstan.
Samtang, nagpabutyag sang kasubo ang team sang South Korea matapos nga ginpakilala bilang team sang North Korea ang ila delegasyon sa opening ceremony sang Paris Olympics.
Nagpangayo sang pasalig ang South Korea Team gikan sa organisers nga ini ang indi na liwat nga matabo.
Samtang nagaparada ang bangka sang South Korea sa Siene River, gin-introduce sang announcer ang team nga “Democratic People’s Republic of Korea” nga amo ang opisyal nga pangalan sang North Korea.
Kag amo man ini sa gihapon nga introduction ang gingamit sang announcer sa pagpakilala sa delegates sang North Korea.
Samtang si Carlos Yulo ang nangin Top 8 sa all around ranking sa qualification kun sa diin 24 ka atleta ang sulod na sa finals.
