Umpisahan na ang pagclamp kag pagtow ang Bacolod Transportation and Traffic Management Department (BTTMD) sa masunod nga semana.
Suno kay BTTMD Head Atty Atty. Reuben Sabig, tinalikdan nga semana nag-abot na ang ginpurchase nga tow truck kag ginahulat na lang nga maproseso ang mga papeles sa General Services Office.
Suno diri, may yara sang mga area nga ginpapintahan sang pula agud ma-identify kun diin indi pwede makapark.
Apang may yara man sila sang ibutang nga signages para sa towing kag clamping zone.
Ang may naclamp nga vehicle mahimo multahan sang P600 para sa light vehicle, P800 para sa medium vehicle kag P1,000 para sa heavy vehicle.
Samtang kun gintow naman, ang multa madangat sa P1,500 para sa light vehicle, P2,500 para sa medium vehicle, kag P4,500 para sa heavy vehicle.
